كتب في القائد
سلسلة مقالات عامة
نمتلك خبرة طويلة في مجالنا، ولذلك نستطيع تقديم خدمات متميّزة لك.
التسويق عبر محركات البحث
We develop comprehensive PPC and SEO strategies. We’ll provide your AdWords account with continuous PPC support that is monitored to adapt to the evolving industry.
التسويق عبر وسائل التواصل الاجتماعي
Our team works to expand your social media presence by creating compelling content designed for you. boost your social media audience and develop a strong community around your brand.
تسويق المحتوى
Our writers are wordsmiths trained in creating quality content for all aspects of your brand. We’ll take care of your website copy, SEO articles, blog posts, whitepapers and more.
سلسلة مقالات في الارشاد النفسي والاسري والتربوي
نمتلك خبرة طويلة في مجالنا، ولذلك نستطيع تقديم خدمات متميّزة لك.
ابنك مشروع حياتك بقلم المدربة / شيماء ابراهيم
لما تكون عاوز تبدء مشروع جديد بتعمل له دراسة جدوى وبتفكر تبدء منين وازاى عشان تضمن افضل نتائج وتتجنب اقل خسائر ومشاكل ممكنة وده طبيعى جدا عشان تحافظ على راس مالك من الخسارة. 📷 الغريب بقى ان كتير مدرك اهميه التخطيط لاى مشروع مالى فقط.. ومش مدرك ان تربيتك لابنك او بنتك لها نفس اهميه اى مشروع مالى بالعكس هى اهم مشروع فى حياتك محتاج تخطط له كويس عشان يتأسس صح. 📷 المشروع المالى هيفيدك فى الدني لكن مشروع ابناءك هيفيدك دنيا واخرة 📷عشان كده محتاج تعرف اهم الاسس اللى تعتمد عليها فى تربية ابناءك.. الاسس دى تميز بيها الهدى النبوى فى تربية الابناء عن غيره من اساليب التربيه الحديثه لانه شامل كل جوانب الحياة عكس اسس التربية الغربية اللى اهتمت بجانب دون اخر ولكن لا نتركها بل ناخذ منها مايناسب الهدى النبوى ونترك ماهو غريب عن ثقافتنا الاسلامية 📷من اهم الاسس اللى اهتم الاسلام فى غرسها فى المربى.: 1)التربية عبادة تتقرب بها الى الله 2)التربيه هى القدوة الحسنة والاسرة هى اهم مؤثر فى صناعة شخصيه الابناء واول من يقتدى بها الابناء 3)التربيه اهتمام ومحبة واعتناء ورعايه من مأكل ومشرب وملبس والرعايه هنا هى جزء من التربية وليست كل التربية 4)التربية نظام وسياسه لابد من اختيار افضل الطرق او الاساليب المناسبه لكل سن ولكل مرحلة عمريه 5)التربيه لازم فيها اتفاق بين الوالدين عشان يتحقق معاها التوازن والاستقرار 6)واخيرا التربية لاتقوم الا بمربى متمثل فيه اهم اربع صفات لاى مربى وهى: رؤؤف ،حليم ،رحيم ،حكيم 📷واخيرا.. زى مابنهتم نروح لاستشارى اقتصادى عنده علم وخبره لو صادفتنا مشكلة فى مشروعنا المالى او طبيب ثقه على علم وخبره لو قابلتنا مشكلة صحية 📷محتاجين نعرف امتى نلجاء لمستشار تربوى يساعدنا فى حل اى مشكلة قابلتنا مع ابناءنا ومعرفناش نوصل من نفسنا لحل مناسب لها
إختيار شريك الحياة بقلم المدربة مروة حسن
سبحان من فطر النساء على حب الإهتمام والود والأمان 📷سبحان من زرع فيها لفت الانتباه 📷 فهى المربية والأم الحنون 📷البنت المصون 📷هى الزوجة العطوفة 📷 صانعة الرجال ومنشئة الطهر فى كل بيت على أي حال 📷سبحان من جعل فيهن سكنا وأمنا إن صلحن أو فزعا وإضطرابا وزلزلة لعمود الدين لأسرة بأكلمها إن فسدن 📷فالله الله فى إختياراتكم فى النساء. الله الله فى تربيتكم لأبناءكم والله المستعان. 📷وأما الرجال فهم نصفنا الثانى ولا غنى عنهم فى حياتنا فهم من وصفهم رب العزة 📷 إنهم قوامون علي النساء بما فضل الله بعضهم علي بعض 📷فهم الأمن والأمان والعز والإعتزاز والسند والعطاء بأكمله 📷وهم الذين تقوم حياتنا بهم ويتحملون ما لا نقدر على تحمله 📷وهم فخر وهيبة وثقة وقوة فالله الله فى اختياراتكم للرجال والله المستعان. علشان كده عايزين نكون منطقتين العلاقة الصح هى اللى حياتك فيها تمشى زى الأول وأحسن. بس شريكك بيزيدها ويحليها بمواعيد لقاءه عايزين نخليها مبدأ اساسى فى فترة خطوبتنا إنكم بعد الخطوبة تكونوا إضافة جميلة لحياة شريكك ولست مصدرا للألم أو الكبت. 📷انتظرونا فى سلسلة من المقالات هنعرفك فيها إيه اللى ليك وإيه اللى عليك أثناء فترة الخطوبة وإزاي تختار صح وعلى أى أساس تختار شريكك. -وهنعرفك كمان تتجوز مين وتتجوزى مين وازاى تعيش وتستمتع بفترة خطوبة ناجحة وسعيدة . -وايه هى الخطوبة ومراحلها . 📷انتظرونا في سلسلة مقالات عن الارشاد الاسري والزواجي على صفحة القائد للتدريب والاستشارات.
مش كل حزن يتصنف إكتئاب !! بقلم المدربة ياسمين رفيق
Not all sadness is depression !! فيه وباء كده إسمه أنا زعلان ف أنا مكتئب ( زيي بما إن و إذن بتاعه الرياضه ) هو أصلاً فيه فرق بين الحزن ( الزعل ) و بين الإكتئاب في بدايات القرن العشرين حاول العلماء والمتخصصين في المجال النفسي يحطوا مواصفات معينه و مُحدده للإضطرابات والأمراض النفسيه وإزاي نفصل بين المشاعر الطبيعيه الناتجه عن مواقف حياتيه وبين المرض أو الاضطراب النفسي يعني إزاي نفرق مثلاً بين الفرح وبين الهوس وبرضو إزاي نفرق بين الحزن والإكتئاب ، وكان أساس التفرقه والفصل ده :- إن لازم يعدي علي الشخص المُكتأب إسبوعين علي الأقل بيعاني من خمسة أعراض علي الأقل من دول :- 📷 إضطراب شهيه ( زياده - نقصان ) 📷 إضطراب نوم ( زياده - نقصان ) مع وجود كوابيس 📷إضطراب الرغبه الجنسيه ( زياده - نقصان ) 📷 قله أو فقدان الإحساس بأي متعه في الحاجات اللي كانت بتبسط الشخص زمان لما يعملها { قراءه - سفر - رياضه - ….إلخ } 📷 شعور بالإجهاد من أقل مجهود 📷 صعوبه في التركيز 📷 مزاج حزين أغلب الأوقات 📷 شعور مُبالغ فيه بالذنب وفقدان الأمل 📷 تفكير في الموت و رغبه إنهاء الحياه (الإنتحار) توافر ٥ أعراض علي الأقل من ال دول لمده إسبوعين علي الأقل ؛ أبشر يا تيمور وكل ما زادت الأعراض ؛ كل ما درجه الإكتئاب وشدته زادت و بكده نقدر نقول إن :- الحزن مشاعر طبيعيه ( عاطفه ) البشر كلهم بيحسوا بيها نتيجه بقي ل [ وفاه شخص عزيز - فقدان وظيفه - طلاق او انتهاء علاقه عاطفيه - مشاكل ماديه - مشاكل عائليه .... إلخ ] وغالباً الشخص الحزين بيكون عارف سبب حزنه ..علي عكس المكتأب الحزن فيه الشخص بيعرف يساعد نفسه و يتخلص منه ..علي عكس الإكتئاب الحزن مدته قصيره ( ساعات - أيام ) ومش دايم ، شعور مؤقت ... علي عكس الإكتئاب ( أسابيع - شهور - سنين ) الحزن مابيحتاجش أدويه ولا مساعده طبيه .. علي عكس الإكتئاب الحزن ما بيعطلش الحياه ؛ الحزين بيشتغل و يروح و يجي و مكمل في دنيته .. علي عكس #المكتأب ، إكتئابه بيشل الحياه حرفياً ، بينعزل ويتقوقع علي نفسه ويدخل كهفه ويقفل عليه ويفقد الرغبه في الحياه الحزن ما فيهوش أعراض جسديه ، جسمك مش بيوجعك .. علي عكس الإكتئاب مليان إضطرابات نفس جسديه ( جسمك بيوجعك بس بسبب نفسي مش جسماني ولا عضوي ) الحزن مافيهوش تفكير في الموت والإنتحار ... علي عكس الإكتئاب و الحقيقه إن :- اللغبطه والخلط بين الحزن و الإكتئاب مش بس بتأثر علي المريض نفسه ، لأ ده كمان بتأثر علي إللي حواليه و إللي بيحاولوا يساعدوه فيه فرق كبييير بين :- طب روق بس و قوم خدلك دش كده وتعالي أعزمك علي الغدا وبين إنت محتاج تزور مُختص .. 📷 لو حاسس إن عندك الأعراض إللي إتكلمنا عنها فوق دي ؛ ما تترددش أبداً تزور مُتخصص
سلسلة مقالات برنامج عيادة السعادة
30 يوم عادة لشهر من السعادة بقلم الدكتورة ايمان زهران
العادة الاولي (اجعل بينك وبين الله بابًا) بقلم د ( ايمان زهران )
جات اللحظة اللي أنا وأنت منتظرينها اللحظة اللي هبدأ أعرضلك فيها العادات الإيجابية اللي لو مشيت معايا فيها خطوة بخطوة والتزمت بكلامي هتبدأ تغير مسار حياتك 📷 العادة الأولى ( اجعل بينك وبين الله بابًا لعلك تدخل إليه في يوم من الأيام ) 📷 كان سهيل بن عمرو على سفر هو وزوجته وفي أثناء الطريق اعترضهم قطاع الطرق وأخذوا كل ما معهم من مال وطعام . وجلس اللصوص يأكلون ما حصلوا عليه من طعام وزاد فانتبه سهيل بن عمرو أن قائد اللصوص لا يشاركهم الأكل ! فسأله .. لماذا لا تأكل معهم ؟!! فرد عليه : إني صائم !! فدهش سهيل فقال له تسرق وتصوم !! قال له : إني أترك بابًا بيني وبين الله لعلي أن أدخل منه يوماً ما .. وبعدها بعام أو عامين رآه سهيل في الحج وقد تعلق بأستار الكعبة وقد أصبح زاهدًاعابدًا .. فنظر إليه وعرفه فقال له : أو علمت " من ترك بينه وبين الله بابا دخل منه يومًا ما " 📷 مفيش حد فينا مش مقصر مع عبادته لربنا ومفيش حد فينا ملتزم بنسبة ١٠٠٪ في العبادات لكن مهما كنت مقصر أو عاصي لربنا ابدأ من النهاردة خد عهد مع نفسك أنك هترجع تاني تقرب من ربنا وتلتزم لأنه بداية حياتك الجديدة لازم تكون بداية جديدة في قربك لربنا علشان ربنا يعينك في الالتزام في العادات الجديدة 📷 خصص عبادة لنفسك بشكل خاص تتقرب بيها لربنا وتداوم عليها كل يوم زي مثلا ( الاستغفار - صلاة قيام الليل - صدقة في الخفاء لا يعلمها إلا الله - قراءة ورد من القرآن - الصلاة علي الرسول ) كلنا فاكرين قصة الثلاثة اللي اتقفل عليهم الغار بصخرة كبيرة ومكنش في اي سبيل للخروج غير التضرع لربنا فأشار عليهم أحدهم بالتقرب إلى الله بأكتر عبادة صالحة كان كل واحد فيهم بيعملها وقصد بها وجه الله 📷فتوسل الأول ببر والديه 📷والثاني بخوفه من الله وعفته عن الحرام 📷والثالث بأمانته وصدقه مع الناس وكلما ذكر واحد منهم عمله انفرجت الصخرة قليلا ,حتى أتم الثالث دعاءه ،فانفرجت الصخرة بالكلية وخرجوا يمشون . 📷انتهت رحلتنا النهاردة عزيزي القارئ التطبيق العملي اللي هتعمله النهاردة علشان تبدأ تكتسب العادة دي ⁃ لازم تقعد مع نفسك وتقيم علاقتك بربنا في الوقت الحالي عامله ازاي ؟ ⁃ لو علاقتك بربنا ضعيفة هل أنت مستعد تغير علاقتك مع ربنا ولا لا ؟ ⁃ لو إجابتك على السؤال اللي فات اه قررت أحسن علاقتي بربنا ابدأ حط خطوات علشان تلتزم بيها ( زي إنك تلتزم بمواعيد الصلاة - تخصص ورد يومي ليك في القرآن - تحافظ علي قراءة الاذكار ) ⁃ وأخيرًا ابدأ خصص عبادة تتقرب بيها إلى الله في وقت الأزمات والمحن وتكون بابًا بينك وبين الله تدخل إليه في يوم من الأيام بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة الثانية (الاستيقاظ ميكرا) بقلم د ( ايمان زهران )
عزيزي القارئ اخبارك اي النهاردة بعد تطبيق العادة الأولي ؟ متاكدة أنك في حالة نفسية جيدة بعد بعد اخدت القرار بأنك تقوي وتحسن علاقتك بربنا 📷النهاردة رحلتنا مميزة جدا والعادة اللي هنتكلم عنها ليها أهمية كبيرة جدا وهتسبب تغيير جذري في حياتك " ساعات الصباح هي أكثر الأوقات إنتاجية في اليوم، يساعدك الاستيقاظ في الصباح الباكر على التركيز بشكل كبير " 📷 تقريبا لما بتسأل حد ناجح اي هو سر النجاح بالنسبالك او اي النصيحة اللي ممكن تقدمها للناس علشان يقدروا يعملوا نجاح في حياتهم هتلاقي اجابته ( انك تصحي بدري )وتقريبا دي اللي هتلاقي كل الناس بتتفق عليها واللي اكد عليها الرسول عليه افضل الصلاة والسلام لما قال " بُورِكَ لأُمَّتي في بُكُورِهَا ” 📷طب يا تري اي هي الميزة في أني أصحي بدري ؟ متعدش يا سيدي الفوائد كتير سوا جسدية او نفسية ⁃ معني أنك تصحي بدري يبقي اليوم بتاعك كله ملكك معاك متسع من الوقت تقدر تستغله في أنك تشتغل وتقعد مع أهلك واصحابك براحتك وتخصص ليك انت شخصيآ وقت تستغله في أنك تطور من ذاتك وتعمل الحاجات الكتير اللي عايز تنجزها من زمان وعمال تأجل فيها من زمان ⁃ هيكون عندك التركيز عالي جدا لانه المخ بينشط بشكل كبير جدا الصبح وبيكون قدرته علي التركيز والاداء الجيد عالية علشان كده بنشجع علي المذاكرة في اوقات الصباح ⁃ الاستيقاظ مبكرا بيقي الجسم من امراض الدماغ والقلب والمعدة والاكتئاب ⁃ أعلى نسبة للكورتيزون في الدم تكون وقت الصباح ومن المعروف أن الكورتيزون يزيد من فاعليات الجسم وينشط أجهزته لعملية التمثيل الغذائي ⁃ أعلى نسبة لغاز الأوزون في الجو عند الفجر، وتقل هذه النسبة تدريجيا حتى تضمحل عند طلوع الشمس، ولهذا الغاز تأثير مفيد للجهاز العصبي، ومنشط للعمل الفكري والعضلي يجعل الإنسان في الصباح الباكر في ذروة نشاطه الفكري والعضلي ⁃ نسبة الأشعة فوق البنفسجية القادمة مع أشعة الشمس أكبر ما يمكن عند الشروق، وهي الأشعة التي تحث الجلد على تكوين فيتامين»د»، اللازم لنمو العظام وتقويتها 📷انتهت رحلتنا النهاردة عزيزي القارئ التطبيق العملي اللي هتعمله النهاردة علشان تبدأ تكتسب العادة دي ⁃ اقعد مع نفسك وشوف انت محتاج تكتسب العادة دي ولا لا ؟ هل من المهم انك تصحي بدري ولا لا ؟ هل ده هيفرق معاك في حياتك العملية والشخصية ⁃ لو اجابتك" اه " حدد اي اكتر الانشطة المهمة اللي بتكون محتاجة منك تركيز جامد علشان تعملها الصبح ⁃ ابدا اعمل برمجة لعقلك من بالليل انك محتاج تصحي بدري تلقائيا هتلاقي نفسك بتصحي قبل المعاد . او اتفق مع حد متعود انه يصحي بدري وهو يساعدك في البدايات علي الموضوع ده ة بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة الثالثة (أكتب أفكارك) بقلم د ( ايمان زهران )
عزيزي القارئ مساء الخير او صباح الخير بالتوقيت اللي بتشوفني فيه ها يا تري بدأت تقوي علاقتك بربنا وبدات تتعود علي أنك تصحي بدري طيب بدأت تحس بتغيير ولو بسيط في حياتك ولا حياتك بدأت تتشقلب من التغيير اللي حصل فيها أصبر متستعجلش النتائج هتيجي في وقتها " لكل مجتهد نصيب " 📷 تعالي بقي اكلمك شوية عن عادة النهاردة ( اتعود تكتب افكارك بشكل واضح علي الورق . الافكار المكتوبة والمدونة هتساعدك اكتر في تنفيذها بسرعة والانجاز فيها -كام مرة بتقول انا هعمل كذا وكذا ومش بتعمل؟ -كام مرة بتحط خطط لليوم بتاعك وبتفشل انك تنفذها ؟ -كام مرة بتبقي حاطط في ذهنك حاجات معينة علشان تنفذها وبتنسي اصلا أي الحاجة دي ؟ -كام مرة قلت هتغير وهبدء من جديد ومتغيرتش؟ 📷طب لي مهم اصلا أنك تكتب افكارك ومشاعرك وخطة اليوم بتاعك؟ 📷 الكتابة بتساعدك علي التخطيط والتنظيم والترتيب معني اني اكتب انا محتاج اعمل اي بكرة في يومي ده هيساعد عقلي علي التركيز اكتر في المهام اللي عايز اعملها بدل ما ارهق عقلي في اني احتاج افتكر اي الحاجات اللي محتاج اعملها اصلا ؟ 📷 الكتابة اعمل من عوامل التحفيز اللي هيساعدك بشكل كبير أنك تكمل . كل ما هتبص علي الورق اللي كتبته قبل كده هتحس قد اي أنك اتغيرت وقد اي انك بقيت انسان واضح بمعني الكلمة وهتكون الورقة والقلم هنا الرفيق الافضل ليك في حياتك 📷اليوميات بتاعتك هتكون بمثابة الذكريات الجميلة اللي كل ما هتكون زعلان ومضايق من نفسك او حاسس بأكتئاب هترجع ليها وهتقرأها وهاجس وقتها بطاقة ايجابية كبيرة لانك قدرت تعمل كل الانجازات دي 📷الكتابة هتساعدك علي أنك تفرغ مشاعرك السلبية بشكل متواصل لانك كل يوم هتكتب فيها مشاعرك هتكتب انا كنت فرحان ولا زعلان ؟ هتكتب مين مزعلني النهاردة مين ضايقني ؟ مين كنت مبسوط معاه ومجرد كتابة الشئ نفسه كفيل انه يخليك تنساه 📷 الكتابة هتكون بمثابة كشف حساب يومي . هتقدر تعرف منها انت قصرت في اي ؟ انجزت في اي ؟ ووقتها هيكون سهل عليك انك تعرف انت اتغيرت ولا لا ؟ 📷انتهت رحلتنا النهاردة عزيزي القارئ التطبيق العملي اللي هتعمله النهاردة علشان تبدأ تكتسب العادة دي 📷التطبيق العملي -انزل النهاردة اشتري ليك اجندة يوميات او نزل نوت الكترونية -كل يوم قبل ما تنام اكتب فيها عملت اي في يومك اللي عدي ( انجازاتك - مشاعرك -فشلك -هتعمل اي بكرة ) اكتب كل حاجة -اتعود علي كتابة كل صغيرة وكبيرة لان النوت دي هتكون بمثابة حياتك المصغرة بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة الرابعة (أختر أصدقاءك بعناية) بقلم د ( ايمان زهران )
📷عايزاك تركز معايا اووووي النهاردة في الكلام اللي هقولهالك علشان هتريح دماغك من حاجات كتير اوي ممكن تعطلك عن انجازات كتيرة ممكن تعملها العادة الرابعة عندي النهاردةً ( قم بأحاطة نفسك بأشخاص أيجابيين وملهمين وأبتعد عن الاشخاص السلبيين الذين يميلون الي الكابة والاحباط بشكل دائم ) 📷النهاردة انا مش هقولك كلام كتير كلامي بخصوص عادة النهاردة مختصر جدا عارف اي ؟ علشان في مثل بيقول " مطرح ما تلاقي سعادتك ابني بيت واقعد فيه " اه والله يعني بكل بساطة 📷 الاماكن والناس اللي بتديك طاقة ايجابية وبتحفزك وتشجعك انك تكمل وبتنصحك بكل هدوء لمًا تغلط دول اللي تقعد معاهم وتصاحبهم 📷 دول هياخدوا بايدك لطريق النجاح . دول هيشجعوك تجرب وتغلط لحد ما توصل 📷اما بقي الناس السلبية اللي بتحبطك وتخليك تيأس ومش بتشوف غير الحاجات السلبية فيك وبتنتقدك علي اي حاجة بتعملها نقد هدام دول اوعي اقعد معاهم ولا تصاحبهم 📷دول هياخدوا بايدك ناحية الفشل والامراض النفسية لانك معاهم هنشوف كل حاجة سلبية وعمرك ما هتوصل 📷انتهت رحلتنا النهاردة عزيزي القارئ التطبيق العملي اللي هتعمله النهاردة علشان تبدأ تكتسب العادة دي -قيم الناس الموجودة في حياتك مين سلبي ومين ايجابي وخلي علاقتك محدودة بالسلبيين وابدا خد خطوات جديدة في أنك تقوي علاقتك بالايجابيين بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة الخامسة (قدم الشكر والامتنان) بقلم د ( ايمان زهران )
كيف حالك عزيرئ القارئ يارب تكون في احسن حال واحسن صحة عندي احساس كبير ان حياتك دلوقتي بدأت تكون افضل وبدأ يدخل عليها عامل التنظيم والترتيب وده ظاهر جدا في حالتك النفسية تعالي بقي نتكلم عن عادة النهاردة العادة الخامسة📷 " من لم يشكر الناس لم يشكر الله " تقدم بعبارات الشكر والامتنان الي كل من قام بدعمك والوقوف بجوارك في بداياتك . 📷نصيحتي ليك علشان تطبق العادة دي خلي رقم 1 حياتك مجموعة من المبادئ وعلي رأسهم انك تتعود تشكر كل الناس اللي وقفت جنبك ودعمتك وساعدتك حتي لو بحاجة بسيطة لا تذكر الشُّكر اعتراف بالمنعم والنعمة، بل هو سبب من أسباب حفظ النعمة وزيادتها، قال الله تعالى في محكم تنزيله: {وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ} 📷الاعتراف بالشكر والجميل هيخليك تكبر في نظر الناس وهيخلي ليك قيمة ومبدأ الناس تحترمك علشانه وعدم الشكر والاعتراف هيخليك انسان ناقص عقليآ ودينيآ في نظر الناس 📷انتهت رحلتنا النهاردة عزيزي القارئ بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة السادسة (مارس التامل) بقلم د ( ايمان زهران )
عزيزي القارئ عارفة أنك ما زالت بتعاني من الافكار المشوشة والغير مرتبة واللي بتسبب عندك ارهاق ذهني كبير 📷علشان كدة انا اصريت ان العادة بتاع النهاردة تحاول انها تخلصك من المشكلة دي طب اي هي العادة ؟ " ممارسة التأمل يوميا لمدة نصف ساعة وحاول تصفية ذهنك وأراحة عقلك من الافكار العشوائية " اه بالضبط زي ما سمعت كدةً التأمل ليه فوايد كتيرة جدا تعالي نتعرف عليها مع بعض -يوفر لك الشعور بالهدوء والسلام والتوازن الذي يمكن أن يفيد كلاً من صحتك النفسية وصحتك العامة. -عند ممارسة التأمل، فأنت تمسح المعلومات الزائدة التي تتراكم كل يوم مسببة لك الضغط النفسي. -التأمل قد يكون مفيدًا في حالة إصابتك بحالة صحية، وخصوصًا الحالة التي يمكن أن تتفاقم من الضغط النفسي. -تقليل المشاعر السلبية وزيادة التخيل والإبداع وزيادة الصبر والتسامح -تخفيف التوتر وتحسين النوم والسيطرة علي القلق -يحسن القدرة علي التركيز والحفاظ علي الذاكرة -التحكم في الانفعالات 📷تخيل ان ١٠ د ممارسة للتأمل يوميا هتساعدك بالشكل ده مفيش وقت آنك استني لأن جلسة لمدة 20 دقيقة تجعلك أكثر هدوءاً وحيوية وتشير الدراسات إلى أن مجرد 8 أسابيع من التأمل المستمر يمكن أن تغير مزاجك وعاداتك لسنوات. 📷انتهت رحلتنا النهاردة عزيزي القارئ بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة السابعة (التقليل من السوشيال ميديا) بقلم د ( ايمان زهران )
عزيزي القارئ انا النهاردة جاية علشان اخليك تاخد قرار حاسم في حياتك اه زي ما سمعت كدة بالضبط القرار ده هو " الموبيل " اللي فأيدك واللي بتقرأ من خلاله المقال بتاعي النهاردة 📷محدش يقدر ينكر التطور الكبير اللي عملته التكنولوجيا واللي سهل علينا كتير جدا في حياتنا اليومية . لكن الاستخدام المفرط في الشئ بيقع بضرر كبير جدا علينا علشان كدة هنتكلم النهاردة عن العادة الجديدة وهي " التقليل من استخدام وسائل التواصل الاجتماعي واستغلال الوقت في الجلوس مع العائلة والاصدقاء بشكل مباشر " 📷ياتري اي اضرارها -انتشار الخمول والكسل بين أفراد المجتمع -زيادة معدلات الإصابة بالسمنة نتيجة للجلوس لفترات طويلة -التفكك الأسري بين أفراد الأسرة الواحدة، -انتشار الشائعات عبر هذه الوسائل، حيث أصبح جزء كبير من الأخبار المنشورة عبر هذه المنصات كاذبة وغير حقيقية. -تأثر الخصوصية، حيث تسبب التواصل عبر هذه المواقع سببًا في تدخل البعض في حياة الآخرين -انتشار ظاهرة التنمر على الآخرين، -النسيان وتأثر الذاكرة و اضطرابات النوم - الغيرة - الشعور بالوحدة - السلوكيات المشتعلة - القلق - عدم الرضا عن النفس - إنشغال دائم - تدهور المزاج - انخفاض الثقة بالنفس -الحمل الزائد للمعلومات - إضاعة الوقت - إهدار الطاقة - إهدار المال - العمل الزائد - زيادة الشهية للمخاطرة المالية - مشاركات غير لائقة - المحتوى الضعيف - النكت الغبية. 📷نصائح علشان تقلل من استخدام السوشيال ميديا -اقعد مع نفسك وشوف مدة استخدامك للسوشيال ميديا وهل انت محتاج الوقت ده فعلا ولا لا -لو قررت أنك محتاج الوقت ده في حاجات تاني هتكون مفيدة ليك اكتر ابدأ حط خطة لنفسك بأهم الحاجات اللي محتاج تتعلمها وابدا نظم وقت وابدا التليفون عنك -حط متوسط لاستخدامك في اليوم الواحد ويفضل ميكونش اكتر من ساعة لو شغلك مش مرتبط بالانترنت 📷انتهت رحلتنا النهاردة عزيزي القارئ بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة الثامنة (خصص وقت للقراءة) بقلم د ( ايمان زهران )
مساء الخير عزيزي القارئ اخبارك اي النهاردة يارب تكون في افضل حالة وصحة جسدية ونفسية 📷عادة النهاردة اللي هقولك عليها لو طبقتها بشكل دائم ومستمر كفيلة انها تخليك عبقري لان من خلالها هيكون عندك خلفية ثقافية وعلمية وادبية جبارة هتخليك لما تقعد مع حد هيكون بيبادلك بنظرات اعجاب من المعلومات اللي عندك وهيكون مستغرب ازاي انت عندك الكم الهائل من المعلومات دي 📷العادة الثامنة " خصص وقت بشكل دائم ويومي للقراءة . القراءة تساعدك علي تغذية عقلك ولسانك عند الحديث" 📷 القراءة ليها فوائد كتيرة ومنها -المساعدة في زيادة التركيز. -تحسين قدرات الكتابة لديك. -زيادة الطمأنينة والهدوء. -زيادة التسلية وقتل الملل. -تعزيز مهارات التفكير -تقوية الذاكرة -زيادة مخزون المصطلحات -التخفيف من التوتر -تحفيز الدماغ -تزيد من مهارة الاستقبال -تنمي الشخصية والفكر 📷نصيحتي ليك كل يوم وبشكل مستمر لازم تحط القراءة من ضمن اهدافك اليومية ومش القراءة في مجال معين لا في كل المجالات علشان يكون عندك خلفية ثقافية عن اي موضوع يتفتح قدامك وتقدر ترد وتتناقش مع الناس الموجودة واللي بتتكلم 📷انتهت رحلتنا النهاردة عزيزي القارئ بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة التاسعة (تجربة أشياء جديدة) بقلم د ( ايمان زهران )
عزيزي القارئ النهاردة مش عندي كلام اقوله ليك في عادة النهاردة " اللي بنبات فيه بنصبح فيه" والروتين دول اكتر حاجتين ممكن يخلوك تفقد طاقتك وشغلك ناحية كل حاجة بتحبها وتلاقي الملل وعدم الرغبة واحدة مع التانية بدوا يدخلوا حياتك علشان كدة عادة النهاردة تجربة اشياء جديدة مش مهم اي الحاجة دي المهم انها تساعدني علي السعادة والاسترخاء زي اني ابدا اتعلم لغة جديدة او هواية جديدة 📷نصيحتي ليك يوميا اهرب من ضغوطك ومسئولياتك وروح مكان بتحبه او اعمل حاجة بتحبها اتجنننننننننننننننننن علشان تسعد نفسك علشان محدش هيسعدك غير انت انت بتشتري سعادتك وراحتك النفسية والجسدية 📷انتهت رحلتنا النهاردة عزيزي القارئ بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة العاشرة (أحترم الخصوصيات) بقلم د ( ايمان زهران )
عزيزي القارئ في مثل بيقول " من تدخل فيما لا يعنيه وجد ما لا يرضيه ) اظن المثل كافي انه يعرفك عادة النهاردة اي ؟ ( احترام خصوصيات الافراد وعدم التدخل في شئون الاخرين) 📷بالله عليكم كل واحد يخليه في حاله ويركز مع نفسه وسيبوا الناس في حالها لان ربنا يعين كل واحد علي اللي عنده احنا مش بنشوف غير الظاهر وبس ورا كل ضحكة بتشوفها حاجات انت متعرفش عنها حاجة .. ركز مع نفسك وبس 📷انتهت رحلتنا النهاردة عزيزي القارئ بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك
العادة الحادية عشر (التوكيدات الايجابية) بقلم د ( ايمان زهران )
عزيزي القارئ صباح الخير او مساء الخير اي كان التوقيت بتقرأ فيه كلامي كنت قاصدة أني اسيبك كام يوم علشان يكون عندك متسع من الوقت تقدر تمارس فيه العشر العادات الاولي بأنتظام علشان تحس بفارق كبير في حياتك 📷النهاردة هبدا معاك في العادة 11 اللي بتقول " التوكيدات الايجابية دائما تساعدنا علي زيادة عملية الثقة بالنفس مثل انا ناجح" 📷 طب تعالي نعرف الاول اي معني التوكيدات الايجابية هي عبارة عن جمل وكلمات تبني من الأساس على التفكير الإيجابي الذي يبعث الأمل في النفس وبناء على هذا تتم البرمجة للعقل الباطن على كافة الأفكار الإيجابية فقط، وتعتمد البرمجة على تغيير كافة المعتقدات الخاصة بالشخص، كما أنها تعمل على توليد المعتقدات والأفكار والأمور الجديدة. ويرجع السبب في هذا أن العقل البشري سلس ومرن، وهذا يوضح أنه من الممكن تغيير معتقدات العقل، لأفكاره الجديدة في حالة إذا أراد تغييرها. 📷 علشان كدة مهم جدا انك تبرمج عقلك وتمشي علي التوكيدات الايجابية علشان كفيلة انها تغير حياتك زي انا ناجح . انا هقدر اعمل كذا . انا هقدر اوصل لكذا …… اعتمد علي التوكيدات الايجابية واشتغل علي نفسك واجتهد وهتلاقي النجاح في طريقك 📷انتهت رحلتنا النهاردة عزيزي القارئ📷 بااااااااااي نتقابل بكرة يا صديقي في رحلة جديدة ( 30 يوم عادة & 30 يوم سعادة ) انتظرووووووووونا يوميآ ولمدة 30 يوم هقولك فيهم علي أهم 30 عادة هيغيروا مجري حياتك ويخلوك انسان سعيد في حياتك